Անհատական հաշվին մուտքի հնարավորություն ստանալու հայտ ՊԵԿ ներկայացնելուց հետո (առցանց եղանակով կամ անձամբ ՊԵԿ այցելելով ու այդ մասին թղթային դիմում ներկայացնելով), էլեկտրոնային Ձեր փոստին ուղարկվում է նամակ, որը պարունակում է ցուցում-հղում ԱՀՏՊ օգտվողի Ձեր անունն ու գաղտնաբառը որոշելու վերաբերյալ:

Նամակը ուղարկվելուց հետո 10-օրյա ժամկետում հարկավոր է որոշել ԱՀՏՊ օգտվողի Ձեր անունն ու գաղտնաբառը, այլապես Անհատական հաշվին մուտքի հնարավորություն ստանալու Ձեր հայտը կհամարվի անվավեր:

ԱՀՏՊ նոր գրանցված օգտվողի Ձեր անունն ու գաղտնաբառը որոշելու համար.

1. Ստուգեք էլեկտրոնային Ձեր փոստը և բաց արեք այնտեղ գտնվող` ՀՀ ՊԵԿ անունից ուղարկված նամակը Անհատական հաշվին մուտքի հնարավորություն ստանալու վերաբերյալ:
   
   
2. Ծանոթացեք նամակի բովանդակությանը, և ապա սեղմեք նամակում պարունակվող ցուցում-հղումը: Այն Ձեզ թույլ կտա մուտք գործել ԱՀՏՊ օգտվողի անունն ուգաղտնաբառը որոշելու կայքէջ:
   
   
3. Որոշե'ք և տվյալների համապատասխան դաշտում մուտքագրե'ք օգտվողի Ձեր անունը /լատինատառ 5-20 նիշ/:
   
   
4. Որոշե'ք և տվյալների համապատասխան դաշտում մուտքագրե'ք օգտվողի Ձեր գաղտնաբառը /լատինատառ 5-20 նիշ/:
   
   
5. Վերահաստատե'ք օգտվողի Ձեր գաղտնաբառը:
   
   
6. Սեղմե'ք Պահպանել կոճակը: Համակարգը կստուգի մուտքագրված տվյալների համապատասխանությունը ընդունված ձևաչափին և կպահպանի դրանք: Կայքէջում կցուցադրվի հաղորդագրություն այն մասին, որ ԱԳՏՊ օգտվողի Ձեր անունն ու գաղտնաբառը հաստատված են և Դուք արդեն կարող եք մուտք գործել Անհատական հաշիվների տեղեկատվական պորտալ: