ԱՀՏՊ օգտվող կարելի է գրանցվել ինչպես առցանց եղանակով` ԱՀՏՊ կայքում տեղադրված հայտը ինքնուրույն լրացնելով, հատուկ սարքի օգնությամբ ստորագրելով ու համացանցի միջոցով հանձնելով ՊԵԿ, այնպես էլ անձամբ այցելելով ՊԵԿ տարածքային տեսչություն և տեղում լրացնելով դիմում ԱՀՏՊ օգտվող գրանցվելու մասին:

Ձեր լրացրած դիմումը հիմք ընդունելով` ՊԵԿ աշխատակիցը Հարկատու 3 համակարգում կգրանցի ԱՀՏՊ օգտվողի գրանցման հայտ:

Վերը նշված երկու դեպքերում էլ` ԱՀՏՊ օգտվող գրանցվելու համար անհրաժեշտ է, որ ՀՀ ՊԵԿ տեղեկատվական համակարգում (Հարկատու-3-ում) Դուք արդեն ունենաք բացված Անհատական հաշվի քարտ:

ԱՀՏՊ օգտվողի գրանցման հայտ լրացնելիս ներկայացվում, և, ըստ անձի Հանրային ծառայության համարանիշի (կամ այն չունենալու մասին Ոստիկանության տրամադրած տեղեկանքի համարի), ինքնաշխատ վավերացվում են ֆիզիկական անձի հետևյալ տվյալները.

• Անուն. Լրացվում է ըստ անձը հաստատող փաստաթղթի  

• Ազգանուն. Լրացվում է ըստ անձը հաստատող փաստաթղթի  

• Հայրանուն. Հայեցողաբար կարող է լրացվել, եթե հայրանունը առկա է անձը հաստատող փաստաթղթում  

• ՀԾՀ. Լրացվում է անձի Հանրային ծառայության համարանիշը կամ ՀԾՀ չունենալու մասին Ոստիկանության տրամադրած տեղեկանքի համարը  

• Անձը հաստատող փաստաթուղթ. Լրացվում է անձը հաստատող փաստաթղթի տեսակը (ՀՀ անձնագիր, Ծննդյան վկայական, Կացության քարտ, Կոնվենցիոն ճանապարհորդական փաստաթուղթ, Նույնականացման քարտ, Կենսաչափական անձնագիր, Օտարերկրյա անձնագիր (ՌԴ քաղաքացիների դեպքում))  

• Սերիա և/կամ համար. Լրացվում է անձը հաստատող փաստաթղթի սերիան և/կամ համարը  

• Էլ. Փոստ. Լրացվում է ֆիզիկական անձի էլեկտրոնային փոստի հասցեն  

• Քաղաքային հեռախոս. Լրացվում է ֆիզիկական անձի քաղաքային հեռախոսահամարը ՝ ձևաչափով  

• Բջջային հեռախոս. Լրացվում է ֆիզիկական անձի բջջային հեռախոսահամարը՝ ձևաչափով