ԱՀՏՊ Օգտվողի գրանցման հայտի թվայնացված փաստաթղթի արտապատկերը ներկայացված է ստորև. սեղմե'ք նկարի վրա այն մեծացված տեսնելու համար:




Առցանց եղանակով ԱՀՏՊ օգտվող գրանցվելու համար.

1. Այցելե'ք ՀՀ Ա ՊԵԿ պաշտոնական կայք՝ www.taxservice.am, և ապա, օգտվելով կայքի ընտրացանկից, սեղմե'ք Էլեկտրոնային ծառայություններ > Անհատական հաշիվների տեղեկատվական պորտալ հղումը: Այն Ձեզ կտեղափոխի ԱՀՏՊ մուտքի էջ: ԱՀՏՊ կայք հետագայում ուղղակիորեն մուտք գործելու համար էջանշե'ք ինտերնետային այս հասցեն:
   
   
2. Սեղմեք Գրանցվել հղումը: Կայքէջում կցուցադրվի Անհատական հաշվին մուտքի թույլատվություն ստանալու հայտի թվայնացված օրինակը:
   
   
3. Փաստաթղթում`տվյալների համապատասխան դաշտերում մուտքագրեք.
      
   
   1. Անուն. Լրացրեք ըստ Ձեր անձը հաստատող փաստաթղթի:
      
      
   2. Ազգանուն. Լրացրեք ըստ Ձեր անձը հաստատող փաստաթղթի:
      
      
   3. Հայրանուն. Լրացրեք Ձեր հայեցողությամբ` պայմանով որ այս տվյալը առկա է Ձեր անձը հաստատող փաստաթղթում:
      
      
   4. ՀԾՀ. Լրացրեք Ձեր Հանրային ծառայության համարանիշը կամ ՀԾՀ չունենալու մասին Ոստիկանության տրամադրած տեղեկանքի համարը:
      
      
   5. Անձը հաստատող փաստաթուղթ. Ցած բացվող ցուցակի օգնությամբ ընտրեք Ձեր անձը հաստատող փաստաթղթի տեսակը (ՀՀ անձնագիր,
      Ծննդյան վկայական, Կացության քարտ, Կոնվենցիոն ճանապարհորդական փաստաթուղթ, Նույնականացնման քարտ, Կենսաչափական անձնագիր,
      Օտարերկրյա անձնագիր (ՌԴ քաղաքացիների դեպքում)):
      
      
   6. Սերիա և/կամ համար. Լրացրեք Ձեր անձը հաստատող փաստաթղթի սերիան և/կամ համարը:
      
      
   7. Էլ. Փոստ. Լրացրեք էլեկտրոնային Ձեր փոստի հասցեն:
      
      
   8. Քաղաքային հեռախոս. Լրացրեք քաղաքային Ձեր հեռախոսահամարը՝ կայքէջում ցուցադրվող ձևաչափով:
      
      
   9. Բջջային հեռախոս. Լրացրեք բջջային Ձեր հեռախոսահամարը՝ կայքէջում ցուցադրվող ձևաչափով:
      
      
4. Սեղմեք Ներբեռնել կոճակը: Համակարգը լրացված տվյալների հիման վրա (պայմանով, որ դրանք վավեր են) կստեղծի PDF ձևեաչափի փաստաթուղթ և Ձեզ կառաջարկի ներբեռնել ստեղծված փաստաթուղթը:
   
   
5. Ներբեռնեք առաջարկվող PDF փաստաթուղթը Ձեր համակարգիչ և ստորագրեք այն` թվայնացված ստորագրության հատուկ սարքի
   օգնությամբ:
   
   
6. Կայքէջի Ընտրեք ֆայլը դաշտում սեղմեք Browse կոճակը և File Upload պատուհանի միջոցով ԱՀՏՊ կայք վերաբեռնեք Անհատական հաշվին թույլատվություն ստանալու հայտի ստորագրված փաստաթուղթը: Կայքէջի Անվտանգության կոդ դաշտում մուտքագրեք կայքէջում ցուցադրվող տառերի (/կամ թվերի համադրությունը:
   
   
7. Սեղմե'ք Գրանցվել կոճակը: Համակարգը կստուգի ներկայացված հայտում Ձեր ստորագրության առկայությունը և այն վավերացնելուց հետո էլեկտրոնային Ձեր փոստին կուղարկի ծանուցում-նամակ: Նամակում կլինի ցուցում ԱՀՏՊ օգտվողի Ձեր անունն ու գաղտնաբառը որոշելու վերաբերյալ: