Անհատական հաշիվների տեղեկատվական պորտալի Դիմում պատուհանը օգտվողին հնարավորություն է տալիս լրացնել ու ՊԵԿ ներկայացնել դիմում Անհատական իր հաշվի քաղվածքը ստանալու մասին:

Ըստ ընտրված ժամանակահատվածի ու ներկայացված փաստաթղթի կարգավիճակի` օգտվողը կարող է նաև կայքէջի օգնությամբ որոնել ու գտնել իր կողմից նախկինում արդեն ՊԵԿ ներկայացված դիմումները: Համակարգը նախատեսում է ՊԵԿ ներկայացված դիմումների և ֆիզիկական անձին ուղարկված Անհատական հաշվի քաղվածքների թվայնացված օրինակների (PDF փաստաթղթերի) ներբեռնման հնարավորություն:

ԱՀՏՊ Դիմում պատուհանի արտապատկերը մեծացված տեսնելու համար սեղմեք ստորև տեղադրված նկարի վրա.
 
 

Գտնված տվյալների աղյուսակում, սյունակ առ սյունակ, ցուցադրվում են.

• Դիմումի ներկայացման ամսաթիվը,
  
  
• Փաստաթղթի առկա կարգավիճակը (Մերժված, Սպասման մեջ, Կատարված, Ենթակա է կատարման, Չեղարկված, Սխալ հասցեատեր),
  
  
• Փաստաթղթի ստեղծման եղանակը (Թղթային, Էլեկտրոնային),
  
  
• Քաղվածքի տրամադրման եղանակը (Թղթային, Էլեկտրոնային),
  
  
• Ներկայացված դիմումի թվայնացված օրինակը (PDF ձևաչափով կազմված փաստաթուղթ, որը կարելի է ներբեռնել ՁԵր համակարգիչ),
  
  
• Անհատական հաշվի քաղվածքի ու ուղարկված ծանուցման /նամակի/ օրինակները, (PDF ձևաչափով կազմված փաստաթղթեր, որոնք կարելի է ներբեռնել ՁԵր համակարգիչ)

Առցանց եղանակով` Ձեր Անհատական հաշվի քաղվածքը ստանալու համար հարկավոր է լրացնել ԱՀՏՊ կայքում տեղադրված դիմումի թվայնացված տարբերակը, և ապա ներկայացնել այն ՊԵԿ: Ուղեցույցի հաջորդ էջում (Քաղվածքի դիմումի հայտ)  նկարագրվում է այս գործողության կատարման կարգը: